തിരൂരങ്ങാടി: തിരൂരങ്ങാടി യൂണിറ്റി ഫൗണ്ടേഷൻ്റെ കീഴിൽ ആരംഭിച്ച പകൽ വീട് ഉദ്ഘാടനം അബ്ദുസമദാനി എംപി നിർവ്വഹിച്ചു.
വൃദ്ധരെയും രോഗികളെയും നിരാലംബരെയും ചേർത്തു പിടിച്ചു കൊണ്ടുള്ള യൂണിറ്റി പ്രവർത്തകരുടെ പ്രവർത്തനം മാതൃകാപരമാണെന്നും പ്രശംസനീയമാണെന്നും സമദാനി പറഞ്ഞു. പകൽ വീടിനോടനുബന്ധിച്ചുള്ള ഡോ. കമാൽ പാഷ ലൈബ്രറി & റീഡിങ്റൂം കമാൽ പാഷയുടെ പത്നി ഹബീബ പാഷയിൽ നിന്ന് പുസ്തകങ്ങൾ ഏറ്റു വാങ്ങികൊണ്ട് സമദാനി ഉദ്ഘാടനം നിർവ്വഹിക്കുകയും ചെയ്തു. പാവപ്പെട്ട രോഗികൾക്ക് വേണ്ടിയുള്ള ഫ്രീ ക്ലിനിക്കിൻ്റെ ഉൽഘാടനം ഡോ: ശ്രീ ബിജു പി എം എ സലാമിനെ പരിശോധിച്ചു കൊണ്ട് നടത്തി. ഉപയോഗിക്കാതെ കിടക്കുന്ന വീട്ടുപകരണങ്ങൾ ആവശ്യമുള്ള പാവപ്പെട്ടവരിലേക്ക് എത്തിക്കുന്ന പദ്ധതിയായ റീ യൂസിംഗ് സെൻ്റർ, ഡ്രസ്സ് ബാങ്ക്, യൂണിറ്റി ഫൗണ്ടേഷൻ്റെ വെബ്സൈറ്റ് എന്നിവയും ഉദ്ഘാടനം ചെയ്യപ്പെട്ടു. അബ്ദുൽ അമർ , ഫൈസൽ സമീർ എന്നിവർ സംസാരിച്ചു. എം എൻ അബ്ദുൽ അസീസ്, കോരം കണ്ടൻ അബ്ദുറഹിമാൻ, മുനീർ കൂർമത്ത്, ഖൗസ്,സി എച്ച് ഇസ്മായിൽ എന്നിവർ നേതൃത്വം നൽകി.
