ഭിന്നശേഷി കുട്ടികളുടെ ചികിത്സയ്ക്ക് ആവശ്യമായ തെറാപ്പി സെന്റർ ആരംഭിക്കുന്നതിന് 40 ലക്ഷം രൂപ വകയിരുത്തി വേങ്ങര ബ്ലോക്ക് പഞ്ചായത്ത് ഭരണസമിതി. പ്രത്യേക ശ്രദ്ധയും പരിചരണവും ആവശ്യമായ ഭിന്നശേഷികുട്ടികൾക്ക് തുല്യാവസരങ്ങളും മികച്ച ജീവിതസൗകര്യങ്ങളും ഉറപ്പാക്കുക എന്നതുമാണ് ഈ പദ്ധതിയിലൂടെ വേങ്ങര ബ്ലോക്ക് പഞ്ചായത്ത് ലക്ഷ്യമിടുന്നത്. കുട്ടികളുടെ ശാരീരികവും മാനസികവുമായ വൈകല്യങ്ങളെ മുൻകൂട്ടി തിരിച്ചറിഞ്ഞ്, വിദഗ്ധ തെറാപ്പികളിലൂടെ അവരെ സ്വയംപര്യാപ്തതയിലേക്ക് നയിക്കുക എന്ന ലക്ഷ്യത്തോടെയാണ് ഈ ആധുനിക തെറാപ്പി സെന്റർ സജ്ജമാക്കുന്നത്.
