കുവൈത്ത് സിറ്റി: ശ്വാസകോശ സംബന്ധമായ ഗുരുതര അസുഖത്തെ തുടർന്ന് ചികിത്സയിലായിരുന്ന മലപ്പുറം സ്വദേശി കുവൈത്തിൽ അന്തരിച്ചു. മക്കരപ്പറമ്പ് സ്വദേശി മുബഷിർ (26) ആണ് മരിച്ചത്. കുവൈത്തിൽ ഡ്രൈവറായി ജോലി ചെയ്തു വരികയായിരുന്നു അദ്ദേഹം.ആരോഗ്യനില വഷളായതിനെ തുടർന്ന് തീവ്രപരിചരണ വിഭാഗത്തിൽ (ICU) ചികിത്സയിലായിരുന്നുവെങ്കിലും ഇന്നലെ മരണം സംഭവിക്കുകയായിരുന്നു. വെറും മൂന്ന് മാസം മുൻപാണ് മുബഷിർ ജോലിക്കായി കുവൈത്തിൽ എത്തിയത്. വിവാഹം കഴിഞ്ഞ് ആറു മാസം തികയുന്നതിനിടെയാണ് ഈ യുവപ്രവാസിയെ മരണം കവർന്നത്.
