തിരൂരങ്ങാടി: കേരള മുസ്ലിം ജമാഅത്ത് കേരളയാത്രയുടെ ഭാഗമായി എസ് എസ് എഫ് തേഞ്ഞിപ്പലം ഡിവിഷൻ കമ്മിറ്റിയുടെ ആഭിമുഖ്യത്തിൽ സ്മാർട്ട് കോർ ഫ്യൂച്ചർ സമ്മിറ്റും സ്മൈൽ കേരള ഫ്യൂച്ചർ അസംബ്ലിയും സംഘടിപ്പിച്ചു. മൂന്നിയൂർ നിബ്രാസിൽ നടന്ന ഫ്യൂച്ചർ സമ്മിറ്റ് കേരള മുസ്ലിം ജമാഅത്ത് തേഞ്ഞിപ്പലം സോൺ ജനറൽ സെക്രട്ടറി കെ ടി അബൂബക്കർ ഉദ്ഘാടനം ചെയ്തു. എസ് എസ് എഫ് ഡിവിഷൻ പ്രസിഡണ്ട് മുഹ്സിൻ ഷാമിൽ ഇർഫാനി അധ്യക്ഷത വഹിച്ചു. എസ് വൈ എസ് തേഞ്ഞിപ്പലം സോൺ സെക്രട്ടറി ഫളിൽ സഖാഫി വെളിമുക്ക്, സോൺ വൈസ് പ്രസിഡണ്ട് ഇല്യാസ് സഖാഫി കൂമണ്ണ, അൻവർ സാദത്ത് അദനി, എസ് എസ് എഫ് മലപ്പുറം വെസ്റ്റ് ജില്ലാ എക്സിക്യൂട്ടീവ് അംഗം സർജാഷ് പരപ്പനങ്ങാടി വിവിധ സെഷനുകൾക്ക് നേതൃത്വം നൽകി. കേരള മുസ്ലിം ജമാഅത്ത്, എസ് വൈ എസ്, എസ് എസ് എഫ് ജില്ലാ – സോൺ നേതാക്കൾ സംബന്ധിച്ചു.
സ്മൈൽ കേരള ഫ്യൂച്ചർ അസംബ്ലി മൂന്നിയൂർ പാറക്കടവ് സമാപിച്ചു. ഡിവിഷനിലെ 75 യൂണിറ്റുകളിൽ നിന്നുള്ള സ്മൈൽ അംഗങ്ങൾ പങ്കെടുത്തു.

