വേങ്ങര: ലഹരി വ്യാപനം തടയുന്നതിന് ബഹുജന പങ്കാളിത്തത്തോടുകൂടി കര്‍മ്മ സേന രൂപീകരിക്കണം. ബഹുജന പങ്കാളിത്തത്തോടുകൂടി കര്‍മ്മ സേന രൂപീകരിച്ച് ലഹരി വ്യാപനം തടയുന്നതിന് സര്‍ക്കാര്‍ മുന്‍ കൈ എടുക്കണമെന്ന് കേരള മദ്യനിരോധന സമിതി മലപ്പുറം ജില്ലാ കണ്‍വെന്‍ഷന്‍ ആവശ്യപ്പെട്ടു. ജില്ലാ പ്രസിഡണ്ട് അഷ്‌റഫ് മനരിക്കല്‍ അധ്യക്ഷത വഹിച്ചു, സംസ്ഥാന ജനറല്‍ സെക്രട്ടറി അസൈനാര്‍ ഊരകം ഉദ്ഘാടനം ചെയ്തു , സംസ്ഥാന സെക്രട്ടറി വിസി ചേക്കു മുഖ്യ പ്രഭാഷണം നടത്തി , സംസ്ഥാന മുഖ്യ രക്ഷാധികാരി അലവിക്കുട്ടി ബാഖവി ക്ലാസ് എടുത്തു. സംസ്ഥാന ജില്ലാ ഭാരവാഹികളായ ടി മുഹമ്മദ് റാഫി, മുഹമ്മദ് ബാവ എ ആര്‍ നഗര്‍, എന്‍ ടി മൈമൂന മെമ്പര്‍, മണ്ണില്‍ ബിന്ദു, ജമീല സി, ഉണ്ണി തൊട്ടിയില്‍, റൈഹാനത്ത് ബീവി, ബേബി എസ് പ്രസാദ്, ഷാഹിദാ ബീവി, റഷീദ കണ്ണമംഗലം, അസൂറ ബീവി, ജുബൈരിയ തുടങ്ങിയവര്‍ സംസാരിച്ചു. ലുഖ്മാനുല്‍ ഹക്കീം സ്വാഗതവും ഷക്കീല വേങ്ങര നന്ദിയും പറഞ്ഞു.
